حصريا الحلقه الاولي من شباب فكسان(مسلسل بقلم ليجند)

**ThELeGEnD** الأحد نوفمبر 30, 2008 11:22 pm

الحلقه الاولي
___

كتله والماجيك والجوكربيشيتو علي النت
كتله :ايه يا ماجيك ايه النظام
ماجيك:النظام في العظام والجمل في الجبل
كتله :يعني ايه الطموح يا اظرف اخواتك
ماجيك: طموحليس الموني مفنش وانا مافور
ومقشفر وامي مقدمه فيا طلب استجواب عند ابويا
البرنس يدخل في الحوار
البرنس :يا بشر ما تقلقوش انا حشيل الليله بس نروح فين
كتله : خلاص يلا نروح الديسكو تيك عند ميزو
البرنس:امتي ؟؟
الجوكر:خلوها الساعه 11
كتلهkey
وينتهي الكلام
___________________________________
في بيت هاني الجوكر
مامته: انت حتخرج النهارده مع اصحابك الفاشلين
الجوكر: اها هاتي الي عندك طلعي البق الحامض بتاع كل يوم
مامته:مفيش بق حامض ولا حاجه بس...
الجوكر يقاطعها مقلدا صوتها:بس دي سابع سنه ليك في الكليه مازهقتش
ايه حتخلص القرن الجاي!!!!مش ده الي عايزه تقوليه شطووره
يالا شوفيلك حاجه تعمليها بعيد عني بقي
مامته:طب خد اختك خرجها معاك بدل ماهي بتخرج مع شله يمكن تفسدها
الجوكر:اخدها فين خدها ربنا هو انا كنت خلفتها ونسيتها ما تطلعوا من دماغي
مامته:طيب اما كنت افقع فيك مقلب يطلع من دماغك مبقاش انا !!
الجوكر ينفضلها ويسيبها ويدخل يلعب جايمز علي الكمبيوتر
الام عماله تفكرله في مقلب
_____________________________
في بيت طارق كتله واقف قصاد التلاجه وبيشرب
والاب بيشرب شاي
الاب :كنت عايز اكلمك في حاجه ياطارق
كتله يخرج وهو مستمر في شرب المياه من غير ما يرد
الاب يمشي وراه
الاب :مش بكلمك
الابن يجلس منفتح الاعين مركز في الماتش
كتله:جوووووووووووووووون
الاب:يا بني سيبك من الماتش ورد عليا
كتله:يا فتاح يا عليم يا رزاق يا كريم انا عارف مش حعرف اتفرج علي الماتش
ماهي قله مزاج وخلاص علي الصبح نعم؟؟
الاب:نعم الله عليك يا اخويا فين الحاجات الي قلتلك تجيبها النهارده
كتله: نسيت اطلع من دماغي بقي
الاب:ماشي يا طارق معتمدش عليك في حاجه ابدا وتمشي
طارق كتله:انا عارف انك مش حتسيبني اتفرج علي الماتش لازم تنفخني
انا سايبهالك وماشي اتفرج انت
كتله يتصل بهاني
مامت هاني:الو مين؟؟
كتله: انا يا طنط الجوكر عندك
مامت هاني:استني حشفهولك في الكوتشينه
كتله:ههههه عسل يا طنط والله
ثم يضغط كتله الزر كاتم الصوت ويقول انا ناقصك يا ظريفه انتي كمان
مامت هاني:قوم يا هاني رد علي التليفون طارق عايزك
الجوكر: اوكيه
ثم يخرج الجوكر
مامت هاني تبتسم ابتسامه صفراء وتمسك موبايل هاني وتجري علي المطبخ
مامت هاني تكلم جومانه صاحبه هاني
جومانه تنظر في شاشه الموبايل وتقول:ايوه يا هاني
مامت هاني:لا انا مامته يا حبيبتي
جومانه: ايوه يا طنط واحشاني والله
مامت هاني وانتي كمان بس اسمعيني قبل ما هاني ييجي
مامت هاني:انتي عارفه اني بحبك وعلي فكره انا عارفه الي بينك وبين هاني
جومانه:يا طنط انا
مامت هاني تقاطعها يا حبيبتي مفيش مشكله بس اسمعيني
هاني ابتدي يكلم واحده تانيه وانا قلت انبهك احسن يجي يقولك
انا اكتشفت اننا ما ننفعش بعض
حاكم ده ابني وانا عارفاه وخلي بالك من الاعيبه حيحاول يضحك عليكي
هاني يدخل الاوضه فجاه
ويقول لمامته :بتعملي ايه يا خلبوصه مش المفروض تستازني
قبل ما تاخدي الموبايل
مامته: لا دي جومانه اتصلت وانا كنت بكلمها
علي بال ما تخلص انت كلام مع كتله
هاني :ماشي ورينا عرض كتافك بقي
مامته:ماشي خدي يا جومانه هاني عايزك ز ما قلتلك هه؟
جومانه:اطمني يا طنط وهاتيه
هاني: حبيبه قلبي لسه علي بالي يا جميل والله
جومانه وهي بتجز علي سنانها : وانت كمان يا حبيبي
جومانه: انت هتخرج النهارده ؟؟
هاني: اه انا والشله حنروح نلعب كام ماتش كوره عند الماجيك في الفيله
جومانه:ماشي اشوفك بكره بقي في النادي اوكيه؟؟
هاني:ماشي بكره ياحبيبتي
جومانه :اديني مامتك بقي اسلم عليها قبل ما اقفل
هاني:ماشي استني
هاني:يا ماما يا ماما
مامت هاني :نعم
هاني: كلمي جومانه عايزاكي
جومانه:بقولك يا طنط شوفي راقبيه واعرفيلي
رايح يلعب كوره عند الماجيك ولا لا
مامت هاني:من عنيا سلام
هاني بيكلم نفسه انامش مطمن انا حاسس ان ماما
قومت جومانه عليا اه اكيد ده المقلب
بس علي مين كان غيرها اشطر
انا حكلم الماجيك وقله ياخد باله لو جومانه سالته عن
الماتش الي حنلعبه عنده
هاني:ايوه يا ماجيك خد بالك لو جومانه سالتك
اوعي تقولها علي الديسكو قلها اننا حنلعب كره عندك
لانها لو جت الديسكو حتشوفني مع هايدي
وتبقي حوسه وسلام بقي علشان
كتله اتصل بيا وحنزل اشوف معاه الماتش في الكافيه
مامت هاني:ايوه يا جومانه اوعي تتصلي
بالماجيك احسن الحكايه اتعرفت
هما رايحين الديسكو تيك و البت الجديده رايحه معاه
جومانه: عارفاه الديسكو ده ومش حسيبك يا هاني
سيبيهولي وانا حربيه انتي كده عملتي الي عليكي