حصريا الحلقه التانيه من يوميات شباب فكسان(مسلسل كوميدي بقلم ليجند)

الحلقه الثانيه


هاني يتوجه للكافيه مع كتله لمشاهده الماتش
مقدم الطلبات في الكافيه:تحبو تشربو ايه
الجوكر :قهوه وهات حجر تفاحه
كتله:حجر تفاحه
هاني الجوكر:يادي الاعلانات ما يبتدوا الماتش ويخلصونا احنا فاضيين!!
كتله:يا سيدي تلاقي اللعيبه بتسخن
هاني:ليه ما الماتش حيسخن حيسخن ده اهلي واسماعيلي
كتله:ايه يا عم الهرتله دي هو السيجاره محشيه ولا ايه!!!
هاني الجوكر: لا اصل بالي مشغول امي شكلها محضرالي
تريب علي حق ربنا يعني
قلبي مش مطمن
كتله: قصدك زي المقلب بتاع يوم....................
يقاطعه القهوجي وقد احضر الطلبات
القهوجي:جرب الشيشه كده تمام؟؟؟
هاني:قشطه الكلام
كتله:شغاااال يا ريس
كتله يستانف الكلام
طارق كتله:قصدك يعني حتعمل فيك مقلب زي يوم ما قالت ل ابوك
بعد ما رجع من السفر انك حاطط افلام توم وجيري للكبار علي موبايلك
كتله:ههههههههههههههه



هاني الجوكر:متفكرنيش ده انا اخدت حته علقه
والهدايا الي جايبها لي اخدها تاني معاه
كتله:ولا يوم لماكنا طالعين رحله ونشلت الفلوس
من جيبك قبل ما نركب الاتوبيس
مخصوص علشان تتبهدل في الرحله
واستلفت من الماجيك
كتله:ههههههههههههه



الجوكر:كفايه حرام عليك انت جاي تنكد عليا
كتله: انا لو منك اتقي شرها واعمل كل اللي تقول عليه
الجوكر :فاكر يالا يا كتله ايام الثانويه العامه لما كنا بنزوغ ونشتري
لب وسندويتشات وطرشي وسجاير ونروح السينما
كتله:اه كانت ايام
كنا بنعمل بيهم عمايل
اللب نازاز والقشر في قفا الي قدامنا
والطرشي نخرم الكيس خرم صغير وبايدينا الاتنين وفس
نغرق الصاله
والسجاير نشربها والعقب ننطره في الهوا وينزل في وسط الضلمه
وفي الاخر كنا بناخد ضرب
واستمر الاثنان في الضحك


______________________________________________
الماجيك يتصل بايهاب البرنس
الماجيك:ايه يا مان حنفضل قاعدين في البيت لغايه مانروح الديسكو
البرنس:لخص عايز تقول ايه؟؟؟؟!!
الماجيك:ماشي انا حجيب من الاخر انا معايا بنتين انما ايه في الجون
وطبعا يلزمني واحد يشيل واحده منهم
البرنس:يا ابني حرام عليك احنا مش لسه مصليين الفجر مع بعض
وقلنا حنبطل بالتدريج
الماجيك:يا عم متخنقنيش لخص جاي ولا لا؟
البرنس:اه لا اه لا لا حرام يا عم احنا داخلين علي رمضان
الماجيك:يعني انت بتصوم قوي حتعملهم عليا
وبعدين اجازت بابا وماما السنويه بكره يعني حيقعدو معايا اسبوع
ويسافرو سنه تاني الامارات يلا بقي واعتبره ماتش اعتزال
البرنس:لا يعني لا
الماجيك:ماشي مسيرك حتحتاجني ومش حعبرك
البرنس يقفل السكه
الماجيك:ماشي يا برنس حتندم
______________________________
في الكافيه
الجوكر:يادي القرف كل شويه تضيعو جون
كتله:ياعم ده شكله يوم خنيق علي الناس كلها
حتي لعيبه الكره
الجوكر :ولا يا كتله مش ده ابوك الي جاي علينا
كتله:ياعم ضايع مننا جونين وبتهزر
الجوكر :والله ما بهزر الحق خبي الشيشه
وقبل ما يدير كتله وشه يلاقي القلم علي قفاه وطراخ
الجوكر: هاهاهاهاهاههههههه
كتله يجري وابوه وراه في الشارع
الجوكر:هاهاهاههههههههه
كتله لانه طخين يقع ويتدحرج وابوه نازل فيه ضرب
الاب: بقي بتشرب شيشه يا كلب
الجوكر:حموت من الضحك خلاص مش قادرهاهاهاهاهاها.....



كتله:يا بابا خلاص بقي يا بابا انا حر
الاب :وكمان بترد طب خد
طراخ طوخ طيخ
كتله وشه بقي شوارع
والجوكر علي الرصيف يشاهد الموقف وهو في ضحك مستمر
مشاهدين الماتش في الكافيه بيكلمو الجوكر:انت بتضحك علي ايه ياض انت
احنا مغلوبين ولا تكونش بتشجع الاسماعيلي
الجوكر:لا والله ده انا ...........
ملحقش يكمل الكلمه وكل الي في الكافيه بقي بيضرب فيه
طراخ طوخ طيخ
كتله:هاهاهاههههه مش قادر هاهاهاهاهاهاهاهاها



الاب:بتضحك علي ايه يا اهبل يا ابن العبي........
عاجبك ضربي فيك عايز تاني ماشي علشان متقولش حرمتك من حاجه
خد
وطبعا روح كل من كتله والجوكر وهما مدغدغين علي الاخر
________________________________________
في فيلا عائله الماجيك
البرنس بيخبط علي الباب
الماجيك:كنت عارف انك جاي جاي بس بلاش روح احسن
انت مش عارف ان كده يبقي حرام ...ايه مش ده كان كلامك
البرنس:هو فعلا حرام لكن لابد منه
وبعدين الي ياكل لوحده يظور ولا ايه؟؟؟
الماجيك:اصل....أصل
البرنس:ايه زحلقوك ولا ايه يبقي زحلقوك خلاص
تعالي نروح اي كوفي شوب نعلق منه اي بنتين حلويين
الماجيك:ماشي
البرنس:ادينا جينا الكوفي شوب اهه
شاور علي اي بنتين وان اجيبهم لك لحد عندك
الماجيك:ماشي شايف الي هناك دول
البرنس:بس كده طيب استني
الماجيك:ايه يا عم انت حتلعب في الموبايل ولا ايه
هو ده وقته
البرنس:لا البنات الي زي دول بيبقو فاتحيين البلو توث
وانا عندي شويه نكت حكايه بيكي بيكي
يخلو البنت من دول تروح وتيجي
استني بس
الماجيك:لما نشوف
البرنس:اتقل يا عم
وفجاه انفجرا البنتان في الضحك
البرنس :كده قشطه يلا بينا
البرنس بيكلم البنات:ايه اتاخرنا عليكم
وقعد جنبهم والماجيك قعد جنبهم من الناحيه الاخري
احدالبنتان(س):ايه شغل هبل ولا ايه

البرنس:ايه يابت مالك
الماجيك:استني يابرنس
الماجيك:ايه الرسايل معجبتكمش ولا ايه؟
البنت الاخري(ص):هو انتم
(س):طب احنا حنفضل كده
قاعدين ولا ايه
الماجيك:لا طبعا انا عندي
فيلا فيها مرجيحه تيجي نتمرجح
(س):يلا بينا
واثناء الطريق اضطر الماجيك ان يوقف السياره بسبب
اشاره مرور
وفجاه السياره الواقفه بجانبهم
ينزل منها شخصان اقوياء جدا
وفتحو ابواب سياره الماجيك
احد الشخصين يكلم احدي الفتاتين:ايه الي ركبك العربيه
يا مني مع الشباب دول وانتي يا ندي
مني احمر وجههاولم تنطق بكلمه
اما ندي فقالت ببجاحه:دول هما الي خطفونا
الشاب:يبقي يومهم خلص
وعينكم ما تشوف الا النور العربيه بقت ميت حته ووشوشهم بقت
شوااااااااااااااااااارع
________________________________________
واتفق الاصدقاء الاربعه علي تاجيل مشوار الديسكو تيك اسبوع
لحين الشفاء
مامت هاني:ايوه يا جومانه ابني وصحابه اجلو الديسكو للاسبوع
الجاي
جومانه:يا حظك يا جوكر فلت من ايدي الاسبوع ده!!!!
__________________________________________________ _
انتظرو الحلقه التالته
ولازم يا جماعه تعرفو اني بكتب الحلقات بنفسي
فالموضوع محتاج شويه وقت